Programa de formación de activistas xuvenís
polo dereito á educación

Reclamamos o dereito á educación
para todas as persoas do mundo

263 millóns
de nenos e nenas menores de 15 anos de todo o mundo están sen escolarizar

Desde o ano 2000 a situación da educación no mundo mellorou, pero queda moito para conseguir unha educación de calidade, equitativa, gratuíta e universal para todas as persoas. Estas son as nosas principais tarefas:

  • Sensibilizar á sociedade sobre a situación da educación no mundo
  • Mobilizar á cidadanía como voceiros e activistas
  • Comunicar e informar sobre o dereito á educación
  • Incidir nos representantes políticos para que cumpran os seus compromisos

Coñece mellor a situación do dereito á educación no mundo e como actuamos.

Campaña

Fórmate e actúa

Aínda quedan moitos desafíos pendentes. Unicamente conseguiremos superalos coa suma de esforzos dos gobernos, a sociedade civil, as ONG, os centros educativos, os profesionais da educación, o estudantado e todas as persoas comprometidas co dereito humano á educación.

Por este motivo, precisamos de activistas, embaixadoras e embaixadores do dereito á educación.

Campaña Mundial pola Educación ofrece en Galicia un proceso de formación de 75 horas dirixido a alumnado e profesorado de secundaria e bacharelato.

Activistas

Actualidade

A educación vivida antes e durante a pandemia da COVID-19 por activistas xuvenís

A pesar da interrupción do proceso de formación por mor da declaración do estado de alarma, as e os activistas xuvenís e as profesoras participantes realizaron un diagnóstico relativo á súa experiencia como estudantes e educadoras nos seus centros educativos de secundaria e nas Universidades públicas galegas.

Ler máis

A mocidade debe protagonizar a reivindicación de máis e mellor educación para todas as persoas.

O impacto negativo da pandemia na educación reforza a convicción da Campaña Mundial pola Educación de que a mocidade debe protagonizar a reivindicación de máis e mellor educación para todas as persoas.

Ler máis

Aínda que o mundo pare, o noso corazón activista segue a latexar

Comunicación de aprazamento do programa de formación de activistas xuvenís polo dereito á educación

Ler máis
Máis novas